काठमाडौंको मेयरमा नवनिर्वाचित बालेन आज सपथ र पदभार ग्रहण गर्दै

टुडेपाटी-
जनकपुरधाम, जेठ १६ गते ।

काठमाडौं महानगरपालिकाका मेयरमा नवनिर्वाचित बालेन्द्र शाह (बालेन) आज पद तथा गोपनियताको सपथसहित आज पदभार ग्रहण गर्दैछन् ।

सोमबार बिहान ११ बजे राष्ट्रिय सभा गृहमा उनले पद तथा गोपनियताको सपथ लिने कार्यक्रम रहेको छ । उनी काठमाडौं जिल्लाको मुख्य निर्वाचत अधिकृतबाट सपथ लिने छन् ।

त्यस पश्चात मेयर बालेनबाट उपमेयर, वडाध्यक्ष र सदस्यहरुको सपथ कार्यक्रम छ। ३२ वडाकै वडाध्यक्ष र सदस्यहरुसहितको सपथपछि पदभार ग्रहण गर्ने कार्यक्रम छ।

निर्वाचन आयोगबाट लौरो चुनाव चिन्ह पाएका स्वतन्त्र उम्मेवदार शाह ६१ हजार ७ सय ६७ मतसहित विजयी भएका हुन् ।

निकटतम प्रतिद्वन्द्वी सत्ता गठबन्धनका तर्फण्बाट नेपाली कांग्रेसकी सिर्जना सिंहले ३८ हजार तीन सय ४१ मत ल्याउँदा एमालेका केशव स्थापितले ३८ हजार एक सय १७ मत ल्याएका थिए ।