बालबालिकाका लागि अमेरिकाले ८४ लाख खोप अनुदान दिने

काठमाडौं, जेठ १४ गते ।

पाँच वर्षभन्दा माथिका बालबालिकालाई लगाउन मिल्ने कोरोनाविरुद्धको खोप आउने भएको छ ।

कोभ्याक्स सुविधाअअन्तर्गत अमेरिका सरकारले ८४ लाख मात्रा खोप फाइजर अनुदानमा दिन लागेको हो ।

स्वास्थ्य सेवा विभाग खोप शाखा प्रमुख डा। सुरेन्द्र चौरसियाले पाँच वर्षदेखि १५ वर्ष उमेर समूहका बालबालिकालाई लगाउन मिल्ने खोप आउन लागेको जानकारी दिनुभयो । उहाँले जुन महिनाभित्र खोप आउने बताउनुभयो ।

डा। चौरसियाले ०।५ एमएल पेडियाट्रिक डोज निःशुल्क उपलव्ध गराउने निश्चित भइसकेको बताउनुभयो । सरकाले यसअघि ११ वर्षसम्मका बालबालिकालाई ८४ लाख मात्रा खोप खरिद गर्ने प्रक्रिया अन्तिम चरणमा पुर्याएको थियो । सो खोप खरिदका लागि छ अर्बभन्दा बढी खर्च लाग्दथ्यो ।

बालबालिकाहरुलाई खोप खरीद गरेरै भए पनि लगाउने योजनामा सरकार लागि सकेको थियो तर अमेरिकी सरकारले नेपाली बालबालिकालाई निशुल्क खोप उपलव्ध गराउने भएपछि खरिद प्रक्रिया स्थगित गरिएको चौरसियाको भनाइ छ ।

उहाँले नेपालको भण्डारण क्षमता मिलाएर चरणवद्ध रुपमा पेडियाट्रिक डोज खोप प्राप्त हुने बताउनुभयो । चौरसियाले असारभित्रै बालबालिकालाई पहिलो मात्रा खोप लगाउन सुरु गर्ने जानकारी दिनुभयो । फाइजर खोप माइनस ७० डिग्री तापक्रममा भण्डारण गर्नुपर्ने हुन्छ । हाल नेपालमा १५(२० लाख डोज मात्रै भण्डारण क्षमता छ । यो खबर गोरखापत्र दैनिकमा छापिएको छ ।