बटेश्वर गाउँपालिका वडा नं. १ र ३ का नवनिर्वाचित वडाध्यक्षले गरे पदभार ग्रहण

टुडेपाटी-
जनकपुरधाम, जेठ १३ गते ।

धनुषाको बटेश्वर गाउँपालिका वडा नं. १ र ३ नवनिर्वाचित वडाध्यक्षले पदभार ग्रहण गरेका छन् ।

शुक्रबार वडा नं. १ नवनिर्वाचित वडाध्यक्ष अशोक कुमार महतो पण्डितबाट मन्त्रोच्चारण गरी पदभार ग्रहण गरेका हुन् । उनी नेपाली काँग्रेसबाट निर्वाचित भएका छन् ।

पदभार ग्रहणको अवसरमा उनले निवर्तमान वडाका जनप्रतिनिधि, निर्वाचनमा वडाध्यक्षका विभिन्न दलका प्रत्यासी, जेष्ठ नागरिक, राजनीतिक दलका प्रतिनिधि लगायतलाई दोसल्ला ओढाएर सम्मान समेत गरेका थिए ।

त्यस्तै काँग्रेसबाटै नव निर्वाचित वडा नं. ३ का वडाध्यक्ष राममणि कुशवाहाले पूजापाठ गरी पदभार ग्रहण गरेका छन् ।

दुबै वडाध्यक्षसहित बटेश्वर गाउँपालिकाका नवनिर्वाचित जनप्रतिनिधि गत मंगलबार नवनिर्वाचित गाउँपालिका अध्यक्ष रामअशिष महतोबाट पद तथा गोपनियताको सपथ लिएका थिए ।