गोलबजार नगरपालिकामा एमाले विजयी

टुडेपाटी–
सिराहा, जेठ १० गते ।

सिराहाको गोलबजार नगरपालिकामा एमालेका मेयर र उपमेयर निर्वाचित भएका छन् ।

मेयरमा एमालेका श्याम श्रेष्ठ २२०७ मतान्तरले विजयी भएका हुन् । उनले ७९०८ मत ल्याए भने उनको निकटतम प्रतिद्वन्दी निवर्तमान मेयरसमेत रहेका माओवादी केन्द्रका देवनाथ साहले ५७०१ मत पाए ।

यस्तै उपमेयरमा एमालेकै मान्ती साह २०६० मतान्तरले विजयी भएकी छिन् । उनले ७७०३ मत पाएकी छन् भने निकटतम प्रतिस्पर्धी निवर्तमान उपमेयरसमेत रहेकी माओवादीकी रेशम कुमारी थापाले ५६४३ र कांग्रेसकी शान्ती सदायले ४९६५ मत पाइन् ।

सिरहाको सबै स्थानीय तहको मतगणना यसै सँग सकेको हो ।