सर्लाहीको बरहथवामा महिला मेयर र पुरुष उपमेयरमा निर्वाचित

टुडेपाटी–
सर्लाही, जेठ ९ गते ।

सर्लाहीको बरहथवा नगरपालिमाका नेकपा एमालेका मेयर र उपमेयर निर्वाचित भएका छन् ।

बरहथवाको मेयरमा नेकपा एमालेकी कल्पना कुमारी कटुवाल र उपमेयरमा एमालेकै रामबाबु प्रसाद साह निर्वाचित भएका छन् । स्था

एमालेकी कटुवालले निवर्तमान मेयर समेत रहेका नेकपा माओवादी केन्द्रका प्रत्यासी देवानन्द महतोलाई झण्डै दोब्बर मतान्तरले पराजित गरेकी छन् ।

कटुवालले १२ हजार २७३ मत ल्याउँदा उनको निकटतम् प्रतिद्वन्द्वी महतोले ६ हजार ६६६ मत मात्र ल्याए ।

यस्तै उपप्रमुखमा एमालेका साह ९ हजार ९०१ मत ल्याएर निर्वाचित भएका छन् । उनका निकटतम् प्रतिद्वन्द्वी नेपाली कांग्रेसकी गंगा दाहालले ७११९ मत ल्याइन् ।