कलैयाका मेयर र उपमेयरलाई तौल बराबरकै लड्डुले जोखेर स्वागत

टुडेपाटी-
बरा, जेठ ७ गते ।

बारा सदरमुकाम कलैया उपमहानगरपालिकाका नवनिर्वाचित मेयरलाई समर्थकले तौल बराबरको लड्डुले बधाई दिँदै स्वागत गरेका छन् ।

मेयर विनोद साह र उपमेयर रौशन प्रविनलाई समर्थकले उनीहरुकै तौल बराबरको लड्डुले स्वागत गरेका हुन् ।

चुनाव जितेर विजयी र्‍यालीमा वडा नं. १० मा पुग्दा मेयर उपमेयरसहित वडा नं. १० का वडाध्यक्ष मोहमद सबिरलाई लड्डुमा तौलेर स्थानीयले स्वागत गरेका छन् ।
तीनैजनालाई महमद गजनी ठकुराईले उनीहरुकै तौल बराबरको लड्डुले स्वागत गरेका हुन् ।

जनप्रतिनिधिलाई काँटामा राखेर उनीहरुकै तौल बराबरको लड्डु दिइएको थियो । त्यो लड्डु पछि उपस्थित समर्थकलाई बाँडिएको छ ।

लड्डु दिने ठकुराईले आफू कुनै पनि दलमा नरहेको भन्दै यी जनप्रतिनिधिले जातपात नहेरी काम गर्ने विश्वासमा लड्डु बाँडेको बताए ।