माओवादीको किल्ला भत्काउँदै जसपाले गौशालामा जित्यो मेयर उपमेयरसहित अधिकांश वडा

टुडेपाटी-
महोत्तरी, जेठ ७ गते ।

माओवादी केन्द्रको लाल किल्ला भत्काउँदै जनता समाजवादी पार्टी (जसपा)ले महोत्तरीको गौशाला नगरपालिकामा कब्जा जमाएको छ ।

जसपाले गौशालामा मेयर उपमेयरसहित अधिकांश वाडमा जित हासिल गरेको हो ।

मेयरमा ८ हजार ७९९ मत ल्याएर डा दीपेन्द्रकुमार सिंह विजयी भएका हुन । उपमेयरमा पनि जसपाकै रेणुकुमारी महतो निर्वाचित भएकी छन् । रेणुले ८ हजार ४५५ मत प्राप्त गरेक छन् ।

मेयर र उपमेयर दुवै पदमा निकटतम प्रतिस्पर्धी नेकपा माओवादी केन्द्रका उम्मेदवार बनेका छन्।

प्रमुखमा विष्णु योञ्जन लामाले पाँच हजार ६२७ र उपप्रमुखमा जनकदुलारी साहले पाँच हजार ४९० मत प्राप्त गरेका छन् ।

अघिल्लो निर्वाचनमा गौशालामा मेयर, उपमेयरसहित धरैजसो वडामा माओवादी केन्द्रका उम्मेदवार विजयी भएका थिए।

गौशालासँगै महोत्तरी जिल्लाका १३ स्थानीय तहको अन्तिम परिणाम सार्वजनिक भइसकेको छ।