मधेश प्रदेश : मतपेटिका लुटेर भाग्न खोज्ने व्यक्ति पक्राउ

टुडेपाटी–
रौतहट, जेठ ६ गते ।

मतदानको दिन शुक्रवार मतपेटिका लुटेर भाग्न खोज्ने एकजना पक्राउ परेका छन् ।

रौतहटको यमुनामाई–२ स्थित श्री मावि भेडियाहीमा अवस्थित मतदान केन्द्रबाट मतपेटिका खोसेर फरार भएका व्यक्तिलाई प्रहरीले पक्राउ गरेको छ।

स्थानीय ४६ वर्षीय चन्देश्वर बैठालाई घरमै लुकीछिपी बसेको अवस्थामा पक्राउ गरिएको जिल्ला प्रहरी कार्यालय रौतहटले जनाएको छ।

स्थानीय तह निर्वाचनको मतदानका क्रममा हुलसहित मतदान केन्द्रमा बैठा प्रवेश गरेका थिए।

मतपेटिका लुटेर भाग्दै गर्दा प्रहरीले गोलि फायर गरेपछि मतपेटिका छाडेर भागेका थिए।

बिहिवार उनलाई आफ्नै घरमा लुकीछिपी बसेको अवस्थामा प्रहरीले पक्राउ गरेको छ ।

बैठालाई निर्वाचन (कसुर तथा सजाय) ऐन, २०७३ बमोजिम कानुनी कारवाहीका लागि जिल्ला अदालत रौतहटबाट म्याद थप गरी अनुसन्धान भइरहेको जिल्ला प्रहरी कार्यालय रौतहटले जनाएको छ ।