मतगणना स्थलबाट २ जना पक्राउ

टुडेपाटी–
काठमाडौँ, जेठ ६ गते ।

प्रहरीले पोखरा महानगरपालिकाको मतगणना स्थल बाहिरबाट दुई जनालाई पक्राउ गरेको छ ।

मतगणनास्थलमा हैरानी दिने दुई जनालाई पक्राउ गरिएको जिल्ला प्रहरी कार्यालय कास्कीका प्रहरी नायव उपरीक्षक सुन्दर तिवारीले बताए ।

पक्राउ परेका मध्ये एक जनाको साथबाट प्रहरीले जनमत पार्टीको प्रतिनिधि परिचय पत्रको फोटोकपी बरामद गरेको छ भने अर्का एकजनाको साथमा मिति सकिएको सुरक्षाकर्मीको परिचयपत्र भेटिएको छ ।

उनीहरुबारे वडा प्रहरी कार्यालय बैदामले अनुसन्धान गरिरहेको प्रहरीले जनाएका छन् ।