बटेश्वरमा माओवादी केन्द्रका उम्मेदवार पदम लामाको १५ बुँदे प्रतिबद्धता-पत्र :’आँप संकलन केन्द्र स्थापना’

टुडेपाटी-
जनकपुरधाम, बैशाख २७ गते ।

धनुषको बटेश्वर गाउँपालिकामा नेकपा माओवादी केन्द्रबाट पालिका प्रमुख पदका उम्मेदवार पदमबहादुर लामाले आफ्नो प्रतिबद्धता पत्र सार्वजनिक गरेका छन् ।

शिक्षा, स्वास्थय, कृषि, रोजगारसहितको प्राथमिकतासहित १५ बुँदै प्रतिबद्धता पत्र उनले सार्वजनिक गरेका हुन् ।

सुकुमवासीलाई १० धुर जग्गा सहित नमुना बस्ती निर्माण, प्रत्येक वर्ष जेष्ट नागरिकलाई सम्मान, आँप पकेट क्षेत्रमा आँप संकलन केन्द्र, प्रत्येक वडामा खेल मैदानको व्यवस्था, स्थानीय स्तरमा वृक्षारोपण तथा पार्कको व्यवस्थापन गर्ने, प्रत्येक चौक चौकमा सार्वजनिक शौचालयको निर्माण सहितका एजेण्डा लामाको प्रतिबद्धता पत्रमा समेटिएको छ ।

बटेश्वर गाउँपालिका माओवादी केन्द्रबा पालिका प्रमुख पदमा लामा र उपप्रमुख पदमा रेखाकुमारी महतो उम्मेदवार छन् ।