मतदाताको पाउँमा एक हजारको नोट राखेर ढोग गर्दै मत माग्दै काँग्रेस उम्मेदवार

टुडेपाटी-
जनकपुरधाम,बैशाख १९ गते ।

मेलम्चीका नेपाली काँग्रेसका एक उम्मेदवार मतदाताको पाउँमा एक हजारको नोट राख्दै मतमागेको पाइएको छ ।

मतदाता रिझाउन काँग्रेसबाट मेलम्ची नगरपालिका– १० का वडा अध्यक्षका उम्मेदवार अमृत खनाल यस्तो गर्ने गरेको रहस्य बाहिरिएको छ ।

उनले मतदाताको पाउमा हजार नोट राखेर ढोग गर्दै मत मागिरहेको तस्बीर सार्वजनिक भएको छ ।

उनले घरदैलो अभियानको क्रममा प्रत्येक घरमा मतदातासंग भेटेर यसैगरी पाउमा नोट राख्दै भोट मागिरहेको बताइएको छ ।

खनालले आफ्नी फुपूलाई ढोग गरेको भन्दै सामाजिक सञ्जालमार्फत नै स्पष्टीकरण दिएका छन् ।
।
पछि प्रष्टीकरण दिएको पोस्ट पनि उनले हटाएका छन् ।