सर्लाहीमा धारिलो हतियार प्रहार गरी एक युवकको हत्या

टुडेपाटी-
सर्लाही,बैशाख १८ गते ।

सर्लाहीमा धारिलो हतियार प्रहार गरी एक युवकको हत्या भएको छ ।

हरिपुर नगरपालिका–१, स्थित मुक्तेश्वर सामुदायिक वन स्थिात बागमती सिँचाइको नहरमा रौतहटको गुजरा नगरपालिका ५ बस्ने ३१ वर्षीय विष्णुसिंह घिसिङको हत्या भएको हो ।

घिसिङको घाँटीमा धारिलो हतियार प्रहार गरी हत्या गरिएको अवस्थामा शव शनिबार साँझ फेला परेको सर्लाही प्रहरीका प्रवक्ता डीएसपी माधव प्रसाद बुढथोकीले जानकारी दिए ।

रातिनै घटनास्थलको मुचुल्का गरी शव पोस्टमार्टमको लागि प्रादेशिक अस्पताल मलंगवा पठाइएको छ ।

घटनाको अनुसन्धान र अपराधमा संलग्नहरुको खोजी कार्य भइरहेको जिल्ला प्रहरी कार्यालय सर्लाहीले जनाएको छ ।