यस पालिकामा महिलालाई उम्मेदवार नबनाएपछि लोसपाको मेयर र उपमेयरको उम्मेदवारी खारेज

टुडेपाटी–
काठमाडौँ, बैशाख १६ गते ।

मेयर र उपमेयरमा पुरुषलाई नै उम्मेदवार बनाएपछि काठमाडौँ महानगरपालिकामा लोकतान्त्रिक समाजवादी पार्टीको मेयर र उपमेयरको उम्मेदवारी खारेज भएको छ ।

लोसपाले मेयरमा डानिन्द्र जोशी र उपमेयरमा उदय खड्कीले उम्मेदवारी दिएका थिए ।

स्थानीय तह निर्वाचन २०७३ को दफा १७ को उपदफा ४ अनुसार मेयर र उपमेयरमा ५० प्रतिशत महिला नभएकाले मेयर र उपमेयरको उम्मेदवारी खारेज भएको महानगरका प्रमुख निर्वाचन अधिकृत राजकुमार खतिवडाले बताए ।

लोसपाले उम्मेदवारी दिँदा महिलाको प्रतिनिधित्व नगराइ दुबै जना पुरुष उम्मेदवार भएका हुन् ।

यस पटक सत्ता गठबन्धनको कारण अधिकांश स्थानीय तहमा मेयर र उपमेयरका उम्मेदवार पुरुष नै भएका छन् ,।