निर्वाचन आयोग आज उम्मेदवारको नामावली प्रकाशन गर्दै

टुडेपाटी-
जनकपुरधाम, बैशाख १५ गते ।

निर्वाचन आयोगले मनोनयन भएका उम्मेदवारको आज नामावली प्रकाशन गर्दैछ ।

स्थानीय तह सदस्य निर्वाचनका लागि गत बैशाख १२ र १३ गते मनोनयन दर्ता गराएका थिए ।

मनोनयनविरुद्ध परेको उजुरीमाथि निर्वाचन आयोगले जाँचबुझ गरि आज साँझ ६ बजे नामावली प्रकाशन गर्न लागेको हो ।

भोलि १६ वैशाख साँझसम्म उम्मेदवारले मनोनयन फिर्ता लिन सक्नेछन् भने उम्मेदवारको अन्तिम नामावली नै शुक्रबार नै प्रकाशन हुनेछ ।

निर्वाचन आयोगका अनुसार १७ गते मात्रै उम्मेदवारहरूलाई निर्वाचन चिह्न प्रदान गरिने छ ।

७५३ स्थानीय तहमा ३५ हजार २ सय २१ पदका लागि १ लाख ५२ हजार ४६५ जनाले उम्मेदवारी दिएका छन् ।