फेरि चुनाव लड्न आठ लाख घुस काण्डमा परेका गाउँपालिका अध्यक्ष क्षेत्रीले पदबाट दिए राजीनामा

टुडेपाटी-
जनकपुरधाम, बैशाख १० गते ।

फेरि चुनाव लड्न आठ लाख घुस काण्डमा परेका धनुषाको बटेश्वर गाउँपालिका डम्बर बहादुर राउत क्षेत्रीले पदबाट राजीनामा दिएका छन् ।

नेकपा एमालेबाट पुनः चुनाव लड्न क्षेत्रीेले शुक्रबार पालिका अध्यक्ष पदबाट राजीनामा दिएका हुन् ।

उनले प्रयोग गर्दै आएको गाडी समेत पालिका कार्यालयलाई शनिबार जिम्मा लगाएका हुन् ।

फेरि चुनाव लड्न चाहने जनप्रतिनिधीलाई बैशाख ११ गते भित्र पदबाट राजीनामा दिनुपर्ने निर्वाचन आयोगले समय दिएको छ ।

पालिका अध्यक्ष उम्मेदवारको लागि एमाले बटेश्वर गाउँसमितिले ९ जनाको नाम सिफारिस गरेको छ । सुरुमै उनले छलेर बैठक डाकी एकल नाम सिफारिस गराएका थिए ।

सो कारण एमाले भित्र तित्र विवाद उत्पन्न भएपछि पालिका कमिटी पुनः बैठक बसबेर क्षेत्रीसहित ९ जनाको नाम सिफारिस गरेको थियो ।

घुस काण्डमा परेको तथा छुद्र स्वभाव व्यवहारले कलंकित क्षेत्रीलाई पालिका अध्यक्षको पुनः टिकट नदिन व्यापक दबाब छ । उनलाई टिकट दिए बिद्रोह गर्ने चेतावनी समेत नेताकार्यकर्ताले दिएका छन् ।