एक हप्ता अघि एमाले प्रवेश गरेका जनकपुरका यी वडाध्यक्ष पुनः काँग्रेसमा प्रवेश

टुडेपाटी-
जनकपुरधाम, बैशाख १० गते ।

केही दिनअघि मात्र नेकपा एमालेमा प्रवेश गरेका जनकपुरधामका एक वडाध्यक्ष पुनः नेपाली काँग्रेसमा प्रवेश गरेका छन् ।

जनकपुरधाम उपमहानगरपालिका–२ का निवर्तमान वडाध्यक्ष शिवकुमार साह (शिवु) कांग्रेस प्रवेश गरेका हुन् ।

उनलाई शनिबार नेपाली कांग्रेसका जिल्ला सभापति योगेन्द्र पजियारले पार्टी प्रवेश गराएका छन् ।

उनले साथमा आफ्ना केहि समर्थकलाई पनि काँग्रेसमा प्रवेश गराएका हुन् ।

करिब एक हप्ता अघि मात्र उनी एमालेमा प्रवेश गरेका थिए ।