अख्तियारले अनुसन्धान गरिरहेको मुख्यमन्त्री स्वच्छता अभियानको डिजाइनर झा एमालेमा प्रवेश

टुडेपाटी
जनकपुरधाम, बैशाख ७ गते ।

मैथिली ब्राह्मण समाजका अध्यक्ष भगवान झा नेकपा एमालेमा प्रवेश गरेका छन् ।

अध्यक्ष केपी शर्मा ओलीको निवास बालकोट पुगेर मङ्गलवार साँझ अध्यक्ष झा एमालेमा प्रवेश गरेका हुन् ।

झा मधेश प्रदेशको मुख्यमन्त्री कार्यालयमा छँदा मुख्यमन्त्री स्वच्छता अभियानको डिजाइन गरेका थिए ।

जुन मुख्यमन्त्री स्वच्छता अभियानमा व्यापक अनियमितता भएको भन्दै अख्तियार दुरुपयोेग अनुसन्धान आयोग र मधेश सरकारले एक समिति बनाएर छानविन गरिरहेको छ ।

एक वर्षअघि झा अवकाश हुँदा स्वच्छता अभियान केहिम फाइल नै उनले गायब गरेको आरोप छ ।

जानकी मन्दिर सौन्दर्यकरणमा झाको मुख्य भूमिका थियो । उनले त्यस कार्यमा व्यापक अनियमितता गरेको आरोप लाग्दै आएको छ ।

कानुनी दण्डाबाट बच्न उनले एमाले प्रवेश गरेको हुन सक्ने आकलन गरिएको छ ।