लोसपाबाट जनकपुरका मेयरको टिकट पाउने सम्भावना नदेखेपछि वडाध्यक्ष साह एमालेमा प्रवेश

टुडेपाटी-
जनाकपुरधाम, बैशाख ६ गते ।

लोसपाबाट जनकपुरधाम उपमहानगरपालिकाका मेयर पदका लागि सिफारिस वडाध्यक्ष जानकीराम साह एमालेमा प्रवेश गरेका छन् ।

जनकपुरधाम वडा. नं. ७ का वडाध्यक्ष साह लोसपाबाट मेयरको टिकट पाउने सम्भावना नदेखेपछि एमाले प्रवेश गरेका हुन् ।

उनलाई मंगलबार काठमाडौंमा एमाले अध्यक्ष केपी शर्मा ओलीले टीका र खादा लगाएर पार्टी प्रवेश गराएका हुन् ।

साह २०७४ को स्थानीय निर्वाचनमा तत्कालीन राजपा नेपालबाट वडाध्यक्षमा निर्वाचित भएका थिए ।

उनले आगामी निर्वाचनको लागि लोसपाबाट मेयर पदका लागि दावेदार थिए । उनी लगायत लोसपाबाट ५ जनाको नाम पनि सिफारिस भएको थियो ।

तर, टिकट पाउने सम्भावना न्यून देखेपछि लोसपा छाडेर एमाले प्रवेश गरेका हुन् ।