पत्रकार महासंघ महोत्तरीका अध्यक्ष मण्डल माओवादीमा प्रवेश

टुडेपाटी-
जनकपुरधाम, चैत २८ गते ।

नेपाल पत्रकार महासंघ महोत्तरी शाखाका अध्यक्ष कमलेश मण्डल नेकपा माओवादी केन्द्रमा प्रवेश गरेका छन् ।

उनलाई माओवादी केन्द्रका अध्यक्ष पुष्पकमल दहाल प्रचण्डले माला र अविर लगाएर पार्टीमा स्वागत गरेका हुन् ।

महोत्तरीको मठिहानी नगरपालिकामा मेयर पदमा लड्न उनी माओवादीमा गएको चर्चा छ ।

मेयरको लागि तयारी गर्दै उनी एकमहिनादेखि माओवादी केन्द्रमा प्रवेश गर्ने तयारीमा थिए ।

मण्डल नेपाल पत्रकार महासंघ महोत्तरीको अध्यक्षमा प्रेस युनियनबाट निर्वाचित भएका थिए ।