जसपा छाडेकी औरही गउँपालिका उपाध्यक्ष सीता यादव काँग्रेसमा प्रवेश

टुडेपाटी-
सिरहा, चैत २६ गते ।

एक हप्ता अघि जनता समाजवादी पार्टी (जसपा) परित्याग गरेकी सिरहाको औरही गाउँपालिकाकी उपाध्यक्ष सीता कुमारी यादव नेपाली कांग्रेसमा प्रवेश गरेकी छन् ।

शनिबार कांग्रेस जिल्ला सभापति रामचन्द्र यादवले गाउँपालिका उपाध्यक्ष यादवलाई फूल माला र अबिर लगाएर पार्टीमा स्वागत गरेका हुन् ।

उनी तत्कालिन संघीय समाजवादी फोरम नेपालबाट गाउँपालिका उपाध्यक्षमा निर्वाचित भएकी थिइन् ।
पार्टीले हरहमेशा असहयोग गर्ने गरेको भन्दै उनले पार्टी छाडेकी थिइन् ।

शनिबार उनीसहित जसपा र अन्य पार्टीका दर्जनौँ नेता कार्यकर्ता काँग्रेसमा प्रवेश गरेका छन् ।

यो पटक पुनः उपाध्यक्षको टिकट नदिने भएपछि उनले जसपा छाडेको बताइन्छ । कांग्रेसले भने उनलाई उपाध्यक्षको टिकट दिने आश्वासन दिएर पार्टीमा ल्याएको छ ।