जनकपुरधाम आइपुग्यो नेपाली रेल, जनकपुरधाममा भव्य स्वागत

टुुडेपाटी–
जनकपुरधाम, चैत १९ गते ।

नेपाल रेल्वे जनकपुरधाम आइपुगेको छ ।

नेपालका प्रधानमन्त्री शेरबहादुर देउवा र भारतका प्रधानमन्त्री नरेन्द्र मोदीले नयाँ दिल्ली स्थित हैदरावाद हाउसबाट हरियो झण्डा देखाएर समुद्घाटन गरेको नेपाल रेल्वे दुई घण्टापछि जनकपुरधाम आइपुगेको हो ।

शनिवार दिउँसो करिब १ बजे भारतको जयनगरबाट गुडेको रेल ३ बजे जनपकुरधाम पुगेको हो ।

जनकपुरधाम पुगेपछि छात्र–छात्राहरुले नेपाल र भारतको झण्डा सहित स्वागत गर्न पुगेका थिए । रेल्वे हेर्नका लागि विहानै देखि हजारौँको संख्यामा स्थानीयहरु पुगेका थिए ।

भारत भ्रमणमा रहेका प्रधानमन्त्री देउवा र उनका समकक्षी मोदीले नयाँदिल्लीबाट रिमोट थिचेर रेलसेवाको शनिबार दिउँसो उद्घाटन गरेका हुन् ।

अब आइतबारदेखि दिनहुँ दुई पटक रेल सञ्चालन हुनेछ ।