औरही गाउँपालिकाकी उपाध्यक्षले छाडिन् जसपा
टुडेपाटी–
सिरहा, चैत १७ गते ।
स्थानीय तहको निर्वाचन नजिकिदै गर्दा सिरहाको औरही गाउँपालिकाकी उपाध्यक्ष सीताकुमारी यादव जनता समाजवादी पार्टी परित्याग गरेकी छन् ।
उपाध्यक्ष यादवले विज्ञप्ति जारी गर्दै साधारण सदस्यसमेत नरहने गरी पार्टी परित्याग गरेको घोषणा गरेकी हुन् ।
उनले केन्द्रीय अध्यक्ष समक्ष निवेदन दिएपनि सुनवाइ नभएको, जिल्ला अध्यक्षलाई दिएको निर्देशन पालना नभएको र पार्टी हितविपरीत काम गर्नेलाई कारबाही नगरेको जनाएकी छिन् ।
उपाध्यक्ष यादवले पार्टीमा व्यक्तिवादी हाबी भएको, आफूमाथि अन्तर्घात गरेको, राम्रो कामको मूल्याकंन नगरेको र उल्टै अपमानित गर्ने जस्ता आरोप लगाउँदै पार्टी छाडेकी हुन् ।
