सर्लाहीमा मोटरसाइकल पोलमा ठोक्किँदा दुई युवकको ज्यान गयो

टुडेपाटी-
जनकपुरधाम, चैत १५ गते ।

सर्लाहीमा मोटरसाइकल दुर्घटना हुँदा दुई युवकको ज्यान गएको छ ।

मृत्यु हुनेमा मोटरसाइकल चालक मलंगवा नगरपालिका ३ का २७ वर्षीय तौखिन मिकरानी र मोटरसाइकलको पछाडि बसेका मलंगवाकै २६ वर्षीय मकवुल लहेरीको मृत्यु भएको प्रहरीले जनाएको छ।

सोमबार साँझ कविलासी नगरपालिका १० सलेमपुरमा प्रदेश–२–०३–०१८ प ९६८३ नम्बरको मोटरसाइकल अनियन्त्रित भएर बिजुलीको पोलमा ठोक्किँदा दुर्घटना भएको जिल्ला प्रहरी कार्यालय सर्लाहीले जनाएको छ।

दुर्घटनामा घाइते भएका मिकरानीको प्रादेशिक अस्पताल मलंगवामा उपचारको क्रममा मृत्यु भएको हो ।

लहेरीलाई भने थप उपचारका वीरगञ्ज लैजाँदै गर्दा बाटोमै मृत्यु भएको प्रहरीले जनाएको छ।

घटनाको विषयमा थप अनुसन्धान भइरहेको प्रहरीको भनाई छ।