जडेजा बने चेन्नईको नयाँ कप्तान

टुडेपाटी–
काठमाडौं, चैत १० गते ।

इन्डियन प्रिमियर लिग (आईपीएल) मा खेल्ने टिम चेन्नई सुपर किंग्सको कप्तानमा रवीन्द्र जडेजा चयन भएका छन् ।

सुरुवाती समयदेखि नै कप्तानी गर्दै आएका महेन्द्र सिंह धोनीले स्वच्छाले आफ्नो पदको जिम्मेवारी रविन्द्र जडेजालाई सुम्पिएका हुन् ।

२०१२ बाट चेन्नईका महत्वपूर्ण खेलाडीको रुपमा रहेका जडेजालाई धोनी स्वयमले कप्तानका लागि छानेका हुन् ।

जडेजा चेन्नईको कप्तानी गर्ने तेस्रो व्यक्ति हुन् । यसअघि धोनीको अनुपस्थितिमा सन् २०१५ मा केही समयका लागि सुरेश रैनाले कप्तानी सम्हालेका थिए ।

चेन्नईका लागि २००८ बाट निरन्तर कप्तानी गरिरहेका धोनीले सन् २०२२ को आइपीएलका लागि आफू टिममा नै रहेर कप्तानी भने जडेजालाई दिने निर्णय गरेका हुन् ।

धोनीको कप्तानीमा चेन्नई ३ पटक उपाधी जितिसकेको छ ।