देशभरका यातायात कार्यालयका सेवाहरु अनिश्चितकालका लागि बन्द

टुडेपाटी–
काठमाडौं, चैत ९ गते ।

यातायात व्यवस्था विभागले देशभरका यातायात कार्यालयहरुबाट दिइने सबै प्रकारको सेवा अनिश्चितकालका लागि बन्द गर्ने भएको छ ।

विभागले सर्भरहरुमा विद्युतीय समस्या देखिएको भन्दै बुधबार अपरान्ह ५ बजेदेखि सबै सेवा बन्द गर्ने निर्णय गरेको हो ।

विभागका प्रवक्ता लोकनाथ भुसालले एक सूचना जारी गर्दै समस्या समाधान नभएसम्मका लागि सबै सेवा अवरुद्ध हुने जानकारीका गराएका छन् ।

यसअघि विभागले लाइसेन्सका लागि नयाँ आवेदन लिन बन्द गरेको थियो ।

विभागले अब सवारी दर्ता, नामसारी, नवीकरण र कर भुक्तानीसहितका सबै सेवा अनिश्चतकालका लागि बन्द गरेको छ ।