सप्तरीमा भीषण आगलागी, २५ घर जलेर नष्ट

शुभ नारायण यादव-
सप्तरी , फाल्गुन २९ गते ।
सप्तरीको अग्निसाईर कृष्णासवरण गाउपालिका वडा न.-५ स्थित टेंग्री टाेलमा भीषण आगलागी भएको छ ।

आगलागीबाट २५ परिवारकाे घर जलेर नष्ट भएको छ ।

स्थानीय दिनेश यादवकाे घरबाट अचानक सल्केको आगो दिनेश सहित छिमेकिहरु श्याम यादव,डम्बर नारायण यादव,फुलदेव यादव ,भोला यादव,मनोज कुमार यादव ,महेश प्रसाद यादव,वृज नारायण यादव,सत्य नारायण यादव,अमरेन्द्र यादव लगायत २५ परिवारकाे घर जलेर झण्डै दुई करोड भन्दा बढिकाे क्षति भएको जिल्ला प्रहरी कार्यालय सप्तरीले जनाएको छ ।

आगलागी स्थानीयबासिन्दा ,सशस्त्र र जनपद प्रहरी , राजविराज तथा हनुमाननगर कङकालिनि नगरपालिकाकाे बारुण यन्त्रकाे सहयोगमा नियन्त्रणमा आएको स्थानीयबासिन्दा ले बताएका छन ।

आगलागी कसरी भयाे भन्ने बारेमा केहि खुलेको छैन ।
आगलागीबाट कुनै मानवीय तथा पशु पन्छिकाे क्षति नभएको पिडितहरुले बताएका छन् ।

घटना विषयमा अनुसन्धान भइरहेको जिल्ला प्रहरी कार्यालय सप्तरीले जनाएको छ ।