वीरगञ्जका मेयर वडाध्यक्ष र समर्थक सहित एमालेमा प्रवेश

टुडेपाटी-
वीरगन्ज, फागुन २८ गते ।

पर्साको वीरगञ्ज महानगरपालिकाका मेयर विजय सरावगी नेकपा एमालेमा प्रवेश गरेका छन् ।

एमालेका केन्द्रीय अध्यक्ष केपी शर्मा ओली बाराको आदर्श कोटवाल गाउँपालिकाका अध्यक्षसहित जसपा नेताहरुलाई एमाले प्रवेश गराउन वीरगन्ज पुगेकोमा वीरगन्ज महानगरपालिकाका मेयर सरावगी एमालेमा समेत प्रवेश गरेका हुन् ।

एउटा वैवाहिक कार्यक्रममा सहभागी भएका ओली त्यस लगत्तै सरावगीलाई एमाले प्रवेश गराउने कार्यक्रममा सहभागी भएका थिए ।

जसपाबाट निर्वाचित वीरगन्ज महानगरपालिकाका मेयर सरावगीले एमाले प्रवेशका लागि वार्ता गरिहेका थिए ।

सरावगीलाई पार्टी प्रवेश गराउने कार्यक्रममा एमालेका मधेश प्रदेश इन्चार्ज रघुवीर महासेठ, स्थायी कमिटी सदस्य प्रभु साह लगायतका नेता सहभागी थिए ।

सरावगीसँगै वीरगन्जका चारजना वडाध्यक्ष र सदस्यहरु समेत एमाले प्रवेश गरेका छन् ।