कांग्रेस धनुषाको दोस्रो चरणको मतदान आज , पजियार र यादवबीच प्रतिष्पर्धा

टुडेपाटी-
जनकपुरधाम, फागुन २७ गते ।

नेपाली कांग्रेस धनुषाको नयाँ नेतृत्वका लागि दोस्रो चरणको मतदान आज हुने भएको छ ।

दोश्रो चरणको मतदान आज बिहान ८ बजेदेखि हुने निर्वाचन अधिकृत अरुण ज्ञवालीले जानकारी दिए ।

यसअघि पहिलो चरणमा तीन मध्ये कुनै उम्मेदवारले ५१ प्रतिशत मत ल्याउन नसकेपछि दोश्रो चरणको मतदान बिहीबारको लागि निर्वाचन समितिले सूचना प्रकाशित गरेर तोकेको थियिो । उम्मेदवारहरुको सहमति र सहकार्यको निर्णय अनुसार शुक्रबारको लागि सारिएको निर्वाचन अधिकृत ज्ञावालीले बताए ।

आज बिहान ८ बजेदेखि हुने जनकपुरधामको एतिहासिक स्थल तिरहुतियागाछीमा हुने जनाएको छ ।

दोस्रो चरणको मतदानमा डा। शेखर कोइराला समूहले विमलेन्द्र निधि समूहलाई समर्थन गर्ने निर्णय गरिसकेको छ ।

पहिलो चरणको मतदानमा २ हजार ९१२ मत खसेकोमा निधि पक्षका उम्मेदवार योगेन्द्र पजियारले १ हजार २४८ मत ल्याएका थिए भने संस्थापन पक्षका सभापतिको उम्मेदवार सन्तोष यादवले ८८२ र कोइराला समूहका उम्मेदवार दिनेश प्रसैलाले ६३० मत प्राप्त गरेका थिए ।