संखुवासभामा बस दुर्घटना, १४ जनाको मृत्यु

टुडेपाटी-
संखुवासभा, फागुन २६ गते ।

संखुवासभामा बस दुर्घटना हुँदा १४ जनाको ज्यान गएको छ ।

संखुवासभाको मादीबाट झापाको दमक जाँदै गरेको बा ४ ख ७३५ नम्बरको यात्रुबाहक मादी नगरपालिका–६ को पुलुङ्गस्थित सात घुम्तीमा सडकबाट तल खसेर दुर्घटना भएको प्रहरीले जनाएको छ ।

अहिलेसम्म १४ जनाको मृत्यु भएको संखुवासभासभाका प्रमुख जिल्ला अधिकारी नुरहरि खतिवडाले जानकारी दिए ।

उनका अनुसार दुर्घटनास्थलबाट अहिलेसम्म १४ जनाको शव निकालिएको छ ।

गाडीमा कति मान्छे थियो भन्ने एकिन भएको छैन । लासहरु भीर खोला ढुंगातिरबाट फेला परिरहेका छन् । मृतकहरुको पहिचान भइसकेको छैन।

उनका अनुसार ५ जना गम्भीर घाइते भएका छन्। घाइतेलाई हेलिकप्टरबाट उद्धारको प्रयास हुँदै छ।