काँग्रेसको सिरहा सभापतिमा रामचन्द्र यादव निर्वाचित

टुडेपाटी-
सिरहा, फागुन २४ मगते ।

नेपाली कांग्रेस सिरहाको सभापतिमा रामचन्द्र यादव निर्वाचित भएका छन् ।

उनले आफ्ना निकटतम प्रतिद्वन्दी रामसुन्दर चौधरीलाई पराजित गर्दै विजयी भएका हुन् ।

यादवले १ हजार ४२६ मत ल्याएका छन् भने सभापतिका अर्का उम्मेदवार रामसुन्दर चौधरीले ८८७ मत प्राप्त गरे ।

सभापतिमा निर्वाचित यादव संस्थापन पक्षका हुन् भने चौधरी संस्थापनइतर पक्षका हुन् ।

सोमबार भएको निर्वाचनमा २ हजार ४७५ मत खसेको थियो । जसमा १६० मत बदर भएको निर्वाचन समितिले जनाएको छ ।