नेपाली कांग्रेस धनुषाको नयाँ नेतृत्वका लागि निर्वाचन सुरु

टुडेपाटी–
जनकपुरधाम, फागुन २३ गते ।

नेपाली कांग्रेसको धनुषाको नयाँ नेतृत्वका लागि निर्वाचन सुरु भएको छ । जिल्ला अधिवेशन अन्तर्गत धनुषामा आज निर्वाचन हुँदैछ ।

जनकपुरधामको ऐतिहासिक तिरहुतिया गाछीमा निर्वाचन हुँदैछ ।

जिल्ला सभापतिका लागि धनुषामा तीनजना उम्मेदवार रहेका छन् ।

केन्द्रीय सभापति शेरबहादुर देउवाको समूहबाट वर्तमान जिल्ला उपसभापति संतोष यादव, विमलेन्द्र निधिको समुहबाट क्षीरेश्वरनाथ नगरपालिकाका मेयर योगेन्द्र पजियार र शेखर कोइरालाको समुहबाट संविधानसभा सदस्य दिनेश प्रसैला रहेका छन् ।

तीनै जना उम्मेदवारले पहिलो चरणमै आफुहरु जित्ने दावी गरेका छन् ।