आगामी मार्च २६ देखि टाटा आईपीएल २०२२ सुरु हुने

टुडेपाटी–
जनकपुरधाम, फागुन १३ गते ।

आईपीएल २०२२ आगामी मार्च २६ तारिखबाट हुने भएको छ । बिसिसीआईले आगामी मार्च २६ देखि हुने आईपीएल मे २९ मा सकिने जनाएको छ ।

शुक्रवार बिसिसीआईले टाटा आईपीएल २०२२ सिजन सम्बन्धी आफ्नो निर्णय सार्वजनिक गरेको छ ।

जस अनुसार यस वर्षको सिजनमा ७० वटा लिग म्याच मुम्बई र पुणेको चारवटा स्टेडियममा हुने जनाइएको छ । यद्यपी अहिले खेल तालिका सार्वजनिक गरिएको छैन् ।

इन्डियन प्रिमियर लिगको १५ औं संस्करणको हवाई यात्राबाट बच्नको लागि एकल हबमा बायो–सुरक्षित वातावरणमा खेलिने जनाइएको छ ।

अहिलेसम्म भएको आईपीएलमा सबैभन्दा बढी मुम्बई इन्डियनले जित हासिल गरेको छ । मुम्बईले ६ सिजनमा फाइनलमा पुग्दा ५ मा जित हात पार्न सफल भएको छ । त्यस्तै ९ पटक फाइनलमा पुगेको चेन्नई सुपर किंग ४ पटक, कोलकाता नाईट राईडर्स २, सनराइजर्स हैदरावाद, राजस्थान रोयल्स एक/एक पटक जित हासिल गर्न सफल भएको छ ।