कुशल भुर्तेल आइसीसी टी–२० को वरियतामा ३९ औँ स्थानमा

टुडेपाटी–
जनकपुरधाम, फागुन ११ गते ।

टी–२० विश्वकप छनोटमा शतक प्रहार गरेका कुशल भुर्तेल आइसीसीको टी–२० को वरियतामा ३९ औँ स्थानमा पुगेका छन् ।

अष्ट्रेलियामा हुने टी–२० विश्वकपका लागि भएको गलोवल छनोटमा क्यानडा विरुद्ध भुर्तेलले आफ्नो क्यारियरको पहिलो शतक प्रहार गरेका थिए ।

वुधवार आइसीसीले सार्वजनिक गरेको लिस्टमा भुर्तेल ३९ औँ स्थानमा पुगेका छन् ।

भुर्तेलले श्रेयस अय्यर, रिशभ पन्त, शिखर धवन जस्ता खेलाडीलाई पछाडी छाडेका छन् ।

त्यस्तै नेपालका तर्फबाट अर्का व्याट्सम्यान दीपेन्द्र सिंह ऐरी आइसीसीको वरियतामा ५० औँ स्थानमा पुगेका छन् ।

आइसीसीको शिर्ष सय ब्याट्सम्यानमा नेपालको तर्फबाट दुईजना खेलाडी मात्र परेका छन् ।

आइसीसीको टी–२० वरियताको पहिलो स्थानमा पाकिस्तानका बाबर आजम रहेका छन् ।