वैशाखमा निर्वाचन गर्ने निर्णयविरूद्ध परेको रिटमा सर्वोच्चले दिएन अन्तरिम आदेश

टुडेपाटी–
काठमाडौं, फागुन १० गते ।

स्थानीय तहको निर्वाचन वैशाखमा गर्ने सरकारको निर्णय विरुद्ध परेको रिटमा सर्वोच्च अदालतले अन्तरिम आदेश दिन अस्वीकार गरेको छ।

महोत्तरीको भंगाहा नगरपालिकाका प्रमुख संजिव कुमार साहले आफुहरुको कार्यकाल असोजमा मात्रै सकिने भएकाले वैशाख ३० मा चुनाव गर्नु असंवैधानिक हुने भन्दै दिएको रिटमा सुनुवाइ गर्दै न्यायाधीश विश्वम्भरप्रसाद श्रेष्ठको एकल इजलासले अन्तरिम आदेश दिन अस्वीकार गरेको हो।

यद्यपी सर्वोच्चको वेबसाइटमा उल्लेख भएअनुसार इजलासले कारण देखाऊ आदेश जारी गरेको छ।

सुरुमा सर्वोच्च प्रशासनले रिटलाई दरपिठ गरेको थियो ।