टी–२० विश्वकप छनोटको निर्णयक खेल आज, नेपाल जिते यस वर्षको विश्वकप खेल्ने

टुडेपाटी–
काठमाडौँ, फागुन १० गते ।

टी–२० विश्वकप छनोटका लागि महत्वपूर्ण खेलमा मंगलवार नेपाल युएईसँग प्रतिस्पर्धा गर्ने भएको छ ।

नेपाली समय अनुसार पौने चार बजे सेमिफाइनलमा नेपाल युएईसँग प्रतिस्पर्ध गर्नेछ ।

ओमानमा हुने पहिलो सेमिफाइनल खेलमा नेपालले जितेसँगै अष्ट्रेलियामा हुने टी–२० विश्वकममा छनोट हुनेछ ।

टी–२० विश्वकप आउँदो अक्टोबर १६ देखि नोभेम्बर १३ सम्म अष्ट्रेलियामा हुँदैछ। नेपाल समूह ‘बी’ मा सबै तीन खेल जितेर समूह विजेता बन्दै सेमिफाइनल पुगेको हो ।

युएई समूह ‘ए’ को उपविजेताको रुपमा सेमिफाइनलमा स्थान बनाउन सफल भएको हो ।

मंगलबार नै अर्को सेमिफाइनलमासमूह ‘ए’ को विजेता आयरल्याण्डले समूह ‘बी’ को उपविजेता घरेलु टोली ओमानसँग खेल्नेछ ।

दुवै सेमिफाइनलका विजेता विश्वकपमा पुग्नेछन् ।