नेपाली कांग्रेस धनुषा सभापतिमा दिनेश प्रसैलाको उम्मेदवारी

टुडेपाटी–
जनकपुरधाम, फागुन ९ गते ।

नेपाली कांग्रेस धनुषाको सभापतिमा शेखर कोइराला समूहले दिनेश प्रसाद प्रसैलालाई आफ्नो उम्मेदवारको रुपमा अगाडी बढाएको छ ।

सोमबार जनकपुरधाममा पत्रकार सम्मेलनको आयोजना गर्दै कांग्रेसका केन्द्रीय सहमहामन्त्री बद्री पाण्डेले प्रसैलाको नाम सभापतिको लागि घोषणा गरेका हुन् ।

सहमहामन्त्री पाण्डेले जिल्ला अधिवेशनमा आफुहरु जित्ने बताए । उनले भने, ‘केन्द्रीय अधिवेशनमा इतर पक्षमा ४० प्रतिशत मत आएको थियो । अहिले देउवा पक्ष आफै विभाजित रहेकाले हाम्रो जित पक्का हुन्छ ।’ इतर समूहबाट उम्मेदवार बनेका प्रसैला पूर्व सांसद हुन् ।

सभापतिको उम्मेदवार बनेका प्रसैलाले आफु सभापति जिल्लाको सबै निर्वाचन क्षेत्रमा कांग्रेसलाई विजयी बनाउने बताए । उनले चार वटै निर्वाचन क्षेत्रमा कांग्रेसका उम्मेदवारलाई विजयी बनाउन नकसे आफुु पदबाट नै राजिनामा दिने समेत बताए ।

यस अघि पार्टीका केन्द्रीय सभापति तथा प्रधानमन्त्री शेरबहादुर देउवा समुहबाट संतोष यादव र विमलेन्द्र निधीको समूहबाट क्षिरेश्वरनाथ नगरपालिकाका मेयर योगेन्द्र पजियार उम्मेदवार बनेका छन् । धनुषामा फागुन १५ गते कांग्रेसको जिल्ला अधिवेशन हुँदैछ ।