हामी एमसीसीको विपक्षमा छौं : प्रचण्ड

टुडेपाटी–
काठमाडौं, फागुन ८ गते ।

नेकपा माओवादी केन्द्रका अध्यक्ष पुष्पकमल दाहाल प्रचण्डले अमेरिकी सहयोग परियोजना मिलेनियम च्यालेन्ज कम्याक्ट एमसीसीको विपक्षमा आफूहरु रहेको बताएका छन् ।

आइतबार प्रतिनिधिसभाको बैठकमा सरकारले एमसीसी सम्झौता टेबल गरेपछि पूर्व प्रधानमन्त्री समेत रहेका अध्यक्ष प्रचण्डले फेसबुकमा विवाद र विरोधका बीच पेश गरिएको टिप्पणी गरेका छन् ।

उनले लेखेका छन्, ‘विवाद र बिरोधका बीच सरकारले एमसीसी टेबल गरेको छ । हाम्रो पार्टी र संसदीय दलले एमसीसीका विपक्षमा उभिने आफ्नो मत पहिले नै स्पष्ट गरिसकेको छ ।’

उनले एमसीसी टेबुल गर्नुहुन्न भन्दै विरोधमा उत्रिएका प्रदर्शनकारीमाथि प्रहरीले गरेको दमनको पनि विरोध जनाएका छन् ।