वैशाख ९ गतेदेखि एसईई हुने

टुडेपाटी–
काठमाडौं, माघ २६ गते ।

आगामी वैशाख ९ गते देखि माध्यामिक शिक्षा परीक्षा (एसईई) हुने भएको छ । बुधबार बसेको राष्ट्रिय परीक्षा बोर्डको बैठकले वैशाख ९ गतेदेखि २० गतेसम्म एसईई सञ्चालन गर्ने निर्णय गरेको हो ।

परीक्षाको समयतालिका भने बिहीबारको गोरखापत्र र बोर्डको वेबसाइटमा सार्वजनिक गर्ने जनाएको छ । बोर्डका अध्यक्ष महाश्रम शर्माले स्थानीय चुनावको मितिसँग एसईईको तालिका नजुधोस् भनेर निर्वाचनको मिति तोकिएपछि मात्रै एसईईको समयतालिका निर्धारण गरिएको बताए ।

Sponsored

बोर्डले विद्यार्थीलाई दुई महिना पढ्ने समय दिएर परीक्षाको समयतालिका सार्वजनिक गरेको जनाएको छ ।