एमाले अध्यक्ष ओली रौतहट आउँदै

टुडेपाटी–
काठमाडौं, माघ २६ गते ।

नेकपा एमालेका अध्यक्ष केपी शर्मा ओली मधेश प्रदेशमा आउने भएका छन् । अगामी फागुन १७ गते पूर्वप्रधानमन्त्री समेत रहेका ओली रौतहट आउन लागेका हुन् ।

मौलापुर नगरपालिकाकी प्रमुख रिना कुमारी साहको निमन्त्रणामा मधानी महायज्ञको उद्घाटन गर्न अध्यक्ष ओली आउन लागेका हुन् ।

बालकोटमा मेयर साहको नेतृत्वमा पुगेको टोलीले मौलापुरमा हुने महायज्ञको प्रमुख अतिथिका रूपमा आएर उद्घाटन गर्न अनुरोध गरेको थियो ।

मौलापुर ५ पतौरास्थित पुरातात्त्विक महादेव मन्दिरमा महाशिवरात्रिको अवसरमा नगरपालिकाको आयोजनामा महायज्ञ हुन लागेको प्रमुख प्रशासकीय अधिकृत रामबाबु साहले जानकारी दिए ।