निर्वाचन आयोगद्वारा मतपत्र डिजाइनका लागि दरखास्त आह्वान

टुडेपाटी–
काठमाडौं, माघ २२ गते ।

निर्वाचन आयोगले मतपत्र डिजाइनका लागि दरखास्त आह्वान गरेको छ।

आगामी जेठ ४ गते प्रस्तावित स्थानीय तहको निर्वाचनलाई मध्यनजर गर्दै आयोगले मतपत्र डिजाइनका लागि दरखास्त आह्वान गरेको छ ।

आयोगले आज एक सार्वजनिक सूचना प्रकाशित गर्दै मतपत्र, लोगो, निर्वाचन चिह्न तथा निर्वाचन शिक्षा तथा सूचना सामग्री डिजाइनका लागि दरखास्त आह्वान गरेको हो।

आयोगले निर्वाचनको समयमा तोकेको अवधिमा काम गर्न चाहने इच्छुक व्यक्तिले सूचना प्रकाशित भएको मितिदेखि ५ दिनभित्र आवेदन दिन सक्ने उल्लेख छ।

आवेदन आयोगको कार्यालय वा आयोगको इमेलमा दर्ता गर्न सकिने भनिएको छ।

निवेदनको ढाँचा आयोगको मतदाता नामावली तथा निर्वाचन सञ्चालन शाखा वा आयोगको वेबसाइटबाट प्राप्त गर्न सकिने बताएको छ।