रेल्वे कम्पनीमा लगाइएको ताला प्रहरीले तोडे

टुडेपाटी–
जनकपुरधाम, माघ १७ गते ।

नेपाल रेल्वे कम्पनीको कार्यालयमा लगाएको ताला प्रहरीले तोडेपछि पुराना कर्मचारीहरू पुनः आन्दोलित भएका छन् ।

जनकपुरधाम स्थित कार्यालयमा लगाएको ताला प्रहरीले आज तोडेपछि उनीहरू पुनः आन्दोलित भएका हुन् ।

शुक्रबार जनकपुरधामस्थित नेपाल रेल्वे कम्पनीको कार्यालयमा रेल्वे कर्मचारी संघर्ष समितिले तालाबन्दी गरेका थिए ।

उनीहरूले नेपाल रेल्वे कम्पनीद्वारा सञ्चालित तालिम बन्द गर्नुपर्ने, प्रहरी परिचालन गरेर सञ्चालन भईरहेको तालिम बन्द हुनुपर्ने, पुरानो तालिम प्राप्त कर्मचारीलाई बहाली गर्नुपर्ने, आफूहरूको पूरानो पारिश्रमिक भुक्तानी गर्नुपर्नेलगायतका माग राखेका छन् ।