स्थानीय तहको निर्वाचन मिति तोक्न सरकारलाई निर्वाचन आयोगको आग्रह

टुडेपाटी–
काठमाडौं, माघ ११ गते ।

स्थानीय तहको निर्वाचन मिति तत्काल तोक्न निर्वाचन आयोगले सरकारलाई आग्रह गरेको छ ।

आयोगले आज एक विज्ञप्ति जारी गर्दै तत्काल चुनावको मिति तोक्न आग्रह गरेको हो ।

आयोगले स्थानीय तहको निर्वाचन २०७४ वैशाख ३१ गते पहिलो चरण, असार १४ गते दोस्रो र असोज २ गते तेस्रो चरणमा सम्पन्न भएकाले पहिलो चरण २०७४ वैशाख ३१ गतेलाई आधारमानी स्थानीय तह निर्वाचन ऐन, २०७३ को व्यवस्था बमोजिम स्थानीय तहका सबै निर्वाचित पदाधिकारीहरुको कार्यकाल आगामी २०७९ जेठ ५ गते समाप्त हुन गइरहेकाले स्थानीय तह निर्वाचन ऐन, २०७३ को दफा ४ को व्यवस्था बमोजिम स्थानीय तहको कार्यकाल समाप्त हुनु अगावै स्थानीय तहको निर्वाचन गर्न प्रधानमन्त्री देउवालाई पहिलो पटक कार्तिक ८ गते र दोस्रो पटक पुस ९ गते पदाधिकारीहरुको पदावधि सम्बन्धी व्यवस्था बारे जानकारी गराइसकेको जनाएका छन् ।

आयोगले २०७९ वैशाख १४ गते बुधवार र वैशाख २२ गते बिहिवार दुई चरणमा निर्वाचन गर्न उपयुक्त हुने भनि प्रस्ताव अघि नै गरिसकेको आयोगका प्रवक्ता शालिग्राम शर्मा पौडेलले जनाएका हुन् ।