व्याप्त भ्रष्टाचार हुने देशको सूचीमा नेपाल

टुडेपाटी–
काठमाडौँ, माघ ११ गते ।

नेपाल व्याप्त भ्रष्टाचार हुदे देशको सूचीमा परेको छ ।

ट्रान्सपरेन्सी इन्टरनेसनलले सार्वजनिक गरेको भ्रष्टाचार सूचांकमा नेपालमा गत वर्षको तुल्नामा भ्रष्टाचारमा कुनै परिवर्तन नभएको जनाएको छ ।

मंगलबार भ्रष्टाचारविरुद्ध अन्तर्राष्ट्रिय संस्था ट्रान्सपरेन्सीले सार्वजनिक गरेको भ्रष्टाचार मापन अवधारणा सूचकांकमा नेपाल अंक ३३ प्राप्त गरी ११७ औँ स्थानमा सूचीकृत भएको छ ।

ट्रान्सपरेन्सीले ४० अंकभन्दा तलका मुलुकलाई ‘भ्रष्टाचार व्याप्त’ सूचीमा राख्छ ।

गतवर्ष पनि नेपाल अंक ३३ सहित ११७ औँ स्थानमै थियो ।

ट्रान्सपरेन्सीको सर्वेक्षणले नेपालमा सार्वजनिक क्षेत्रमा भ्रष्टाचार र अधिकारको दुरुपयोग कायम रहनु, व्यापार व्यवसायमा घुसखोरी रहनु, कारबाहीमा कमी हुनुले भ्रष्टाचार बढेको देखाएको छ ।

सूचनामा नागरिकको पहुँचमा कमी हुनु, राजनीतिक भ्रष्टाचार नियन्त्रण नहुनुजस्ता रहेको ट्रान्सपरेन्सीले उल्लेख छ ।

सन् २०२१ मा दक्षिण एशियाली राष्ट्रहरूमध्ये भुटान ६८ अङ्क प्राप्त गरी २५ औँ स्थान, माल्दिभ्स ४० अङ्क प्राप्त गरी ८५ औँ स्थान, भारत ४० अङ्क प्राप्त गरी ८५ औँ स्थान, श्रीलङ्का ३७ अङ्क प्राप्त गरी १०२ औँ स्थान, नेपाल ३३ अङ्क प्राप्त गरी ११७ औँ स्थान, पाकिस्तान २८ अङ्क प्राप्त गरी १४० औँ स्थान, बङ्गलादेश २६ अङ्क प्राप्त गरी १४७ औँ स्थान र अफगानिस्तान १६ अङ्क प्राप्त गरी १७४ औँ स्थानमा रहेका छन् ।

चीन ४५ अङ्क प्राप्त गरी ६६ औँ स्थानमा रहेको छ ।