एसइईको वैशाख र १२ को परीक्षा जेठमा हुने

टुडेपाटी–
काठमाडौं, माघ ९ गते ।

राष्ट्रिय परीक्षा बोर्डले यस वर्षको माध्यमिक शिक्षा परीक्षा एसइई र कक्षा १२ को परीक्षाको सञ्चालनको तयारी थालेको छ ।

बोर्डले आगामी वैशाखमा एसइई परीक्षा सञ्चालन गर्ने र सो परीक्षा सम्पन्न गरेर जेठमा कक्षा १२ को परीक्षा सञ्चालन गर्ने तयारी गरेको हो ।

बोर्डले वैशाखमा एसइई र कक्षा १२ को परीक्षा जेठमा सञ्चालन गर्ने निर्णय गर्दै तयारी सुरु गरेकाले परीक्षाको तयारीमा रहन बोर्डका अध्यक्ष डा महाश्रम शर्माले विद्यार्थीलाई आग्रह गरे ।

चैतसम्म कक्षा सञ्चालन गर्ने र वैशाखमा परीक्षा गर्ने तयारी बोर्डले गरेको हो । बोर्डले केही दिनपछि परीक्षा तालिका सार्वजनिक गर्ने तयारी गरेको जनाइएको छ ।