प्रदेश २ : सोमबार लकडाउन उलंघन गर्ने १ सय ४८ सवारीसाधान नियन्त्रणमा

टुडेपाटी
जनकपुरधाम, चैत २४ गते ।

प्रदेश २ मा सोमबार लकडाउन उलंघन गर्ने १ सय ४८ सवारीसाधान प्रहरीले नियन्त्रणमा लिएको छ । आठै वटा जिल्लाबाट मोटरसाइकल १३५, साइकल १० वटा, सानो र ठुलो गाडी ३ वटा गरी एकसय ४८ सवारीसाधन नियन्त्रणमा लिएको प्रदेश प्रहरी कार्यालय प्रदेश २ ले जनाएको छ ।

यस्तै लकडाउन अवज्ञा गर्ने ४ जना मानिस समेत पक्राउ परेको प्रदेश २ प्रहरी कार्यालयका प्रवक्ता प्रहरी उपरीक्षक जयराज सापकोटाले जानकारी दिए ।

Sponsored

सरकारले कोरोना संक्रमण फैलिन नदिन गएको चैत ११ गतेदेखि नै लकडाउन गरेको छ । सोमबार बसेको मन्त्री परिषद बैठकले थप ७ दिन लकडाउन थपेको छ ।