लकडाउन उल्लघंन गर्ने १४ जना बाराबाट पक्राउ

टुडेपाटी-
बारा, चैत २४ गते ।

कोरोना भाइरस रोकथाम तथा नियन्त्रणका लागि सरकारले गरेको लकडाउन उल्लघंन गर्र्ने १४ जना पक्राउ परेका छन् ।
बाराको विभिन्न स्थानबाट उनीहरूलाई पक्राउ गरिएको जिल्ला प्रहरी कार्यालय बाराले जनाएको छ ।

पक्राउ परेका उनीहरूलाई संक्रमक रोग ऐन २०२० अनुसार कारवाहीको लागि जिल्ला प्रशासन कार्यालय बारामा पठाइएकोमा कार्यालयबाट जरिवाना गरी छाडिएको जिल्ला प्रहरी कार्यालय बाराका प्रवक्ता प्रहरी नायव उपरीक्षक गौतम मिश्रले जानकारी दिए ।
प्रहरीले अवज्ञा तथा उल्लंघन गर्ने २३ वटा मोटरसाइकल पनि नियन्त्रणमा लिएको छ । पक्राउ परेका सवारी साधन समेत नियन्त्रणमा लिई जरिवाना गरी छाडिएको डीएसपी मिश्रले बताए ।

Sponsored