मौसम खराब भएपछि आन्तरिक र अन्तर्राष्ट्रिय उडान बन्द

टुडेपाटी–
काठमाडौं, पुस १६ गते ।

मौसम खराब भएपछि आन्तरिक तथा अन्तराष्ट्रिय उडानहरु बन्द भएको छ ।

काठमाडौं उपत्यकामा बाक्लो हुस्सु र कुहिरो लागेपछि त्रिभुवन अन्तर्राष्ट्रिय विमानस्थलबाट हुने आन्तरिक र अन्तर्राष्ट्रिय उडानहरु बन्द भएको छ भने जहाजहरू अवतरण पनि हुनसकेका छैनन् ।

विमानस्थल कार्यालयले भिजिबिलिटी अत्यन्त कम भएकाले त्रिभुवन अन्तर्राष्ट्रिय विमानस्थलबाट आज बिहानैदेखि उडान अवतरण रोकिएको जनाएको छ ।

त्रिभुवन अन्तर्राष्ट्रिय विमानस्थलमा अवतरण गर्न नसकेपछि जजिरा एयरलाइन्सका दुई जहाजले काठमाडौं उपत्यकाको आकाशमा फन्को लगाइरहेका छन् ।

जल तथा मौसम विज्ञान विभागका अनुसार आज बिहानैदेखि काठमाडौं उपत्यकासहित तराईका भूभागहरुमा बाक्लो हुस्सु र कुहिरो लागेको छ ।