प्रदेश २ : जन्ती बोकेको गाडी दुर्घटना, ४ जनाको मृत्यु

टुडेपाटी–
रौतहट, पुस १३ गते ।

जन्ती बोकेको गाडी रौतहटमा दुर्घटना हुँदा चारजनाको मृत्यु भएको छ । मंगलबार दिउँसो करिब सावा चारबजे चन्द्रपुर–गौर सडक खण्ड अन्तर्गत जन्ती बोकेको सवारी दुर्घटनामा परेको प्रहरीले जनाएको छ ।

भारतीय बीआर ०५ पीए ६९५३ नम्बर प्लेटको रातो स्कारपियो दुर्घटना हुँदा चारजनाको मृत्यु भएको र तीन जनाको अवस्था गम्भीर रहेको इलाका प्रहरी कार्यालय गरुडाका प्रहरी नायव उपरीक्षक सुनिल मल्लले जानकारी दिए ।

मृत्यु हुने सबै भारतीय नागरिक रहेको बुझिएको प्रहरीले जनाएको छ ।

मृतकको शव पोस्टमार्टमको लागि ग्रान्डी अस्तालमा तीन जनाको र एक जनाको हेल्थ लाइन अस्पताल गरुडामा राखिएको छ ।

सवारीमा सात जना सवार थिए ।