नयाँ दिल्लीमा क्रिसमस र अंग्रेजी नयाँ वर्षमा हुने कार्यक्रमा प्रतिबन्ध

एजेन्सी-
जनकपुरधाम, पुस ८ गते ।

कोभिडको नयाँ भेरियन्ट ओमिक्रोन भाइरस फैलिएपछि भारतको राजधानी नयाँ दिल्लीमा क्रिसमस र अग्रेजी नयाँ वर्षमा हुने कार्यक्रममा प्रतिबन्ध लगाइएको छ ।

दिल्लीको विपद् व्यवस्थापन निकायले दुबै पर्वमा हुने जमघटमा रोक लगाएको हो । नयाँ वर्षअघि नै सङ्क्रमण फैलिने क्षेत्र पहिचान गर्न पनि सो निकायले डिस्ट्रिक म्याजिस्ट्रेटलाई निर्देशन दिएको छ ।

त्यस्तै, दिल्लीमा कुनै पनि प्रकारका सामाजिक, मनोरन्जन, धार्मिक तथा सांस्कृतिक कार्यक्रम आयोजना गर्न पनि रोक लगाइएको छ ।

भारतमा ओमिक्रोन सङ्क्रमित दिनहुँ बढेका छन् । बुधबारसम्म २१३ जनामा सङ्क्रमण भएको छ ।

यसैबीच देशमा कोभिड सङ्क्रमण र नयाँ भेरियन्टको पछिल्लो अवस्थाबारे प्रधानमन्त्री नरेन्द्र मोदीले आज बिहीबार बैठक डाकेका छन् ।

विज्ञहरूले भारतमा कोभिडको तेस्रो लहर आउने चेतावनी दिइरहेका बेला प्रधानमन्त्रीले बैठक आयोजना गर्न लागेका हुन् ।