कांग्रेस प्रदेश २ को स्थगित अधिवेशन पुस ६ र ७ गते हुने
टुडेपाटी–
जनकपुरधाम, पुस २ गते ।
नेपाली कांग्रेस प्रदेश २ को स्थगित अधिवेशन पुस ६ र ७ गते हुने भएको छ ।
राष्ट्रिय महाधिवेशन सकेपछि प्रदेश २ को प्रथम अधिवेशन हुने भएको छ । मतदाता नामावली प्राप्त नभएपछि प्रदेश २ को अधिवेशन अनिश्चितकालको लागि स्थगित गरिएको थियो । अन्य प्रदेशमा भने कांग्रेसको अधिवेशन महाधिवेशन अघि नै सम्पन्न भइसकेको छ ।
Sponsored
कांग्रेस केन्द्रीय निर्वाचन समितिको शुक्रबार बसेको बैठकले प्रदेश २ को अधिवेशन यही पुस ६ र ७ गते जनकपुरधाममा गर्ने निर्णय गरेको निर्वाचन समिति सदस्य सीताराम केसीले जनाए । काँग्रेसको १४ औ महाधिवेशन सम्पन्न भएसँगै प्रदेश २ को अधिवेशनको मिति टुंगो लागेको हो ।
